Utot ng Hari – first draft

Utot ng Hari
18 Nobyembre 2016, Araw ng Kandilang Nakahiga

“Huwag ninyong buksan ang kabaong
ng nakaraan,” sabi ng Bagong Hari-
harian sa lupain ng rangya at hikahos.

“Ako lamang ang may karapatang pumili
ng maaaring ungkatin mula sa tagpi-
tagping kasaysayan ng bayan.”

Bago pa siya naupo sa trono
na singkinang ng inidoro,
naamoy na natin ang hangin

mula sa kanyang katimugan.
Bakit pa kaya may nagugulat
kunwa sa sangsang ngayon

ng kanyang pinakawalan,
tila sawang lumilingkis
sa ating gunita at katinuan.

-o-

My apologies to dear friends and readers who cannot read Filipino. This is a first draft of my attempt to respond to the “Thief in the Night” style burial at the Cemetery for Heroes of the wax image/remains of the former dictator, Ferdinand Marcos done at noon, Philippine time by his family.